الاسهم السعوديه

كشف أربعة من أعضاء "خلية النفط" المكونة من 5 أشخاص اعتقلوا في الخبر وشارك بعضهم في المحاولة الفاشلة لتفجير معامل النفط في بقيق عن خطة تفجير المنشآت النفطية في المنطقة الشرقية، لجر الولايات المتحدة إلى غزو المملكة وتحقيق أهدافهم بنشر الفوضى والفتنة في البلاد.
ووفقاً لكل من عبدالله عبدالعزيز المقرن، وخالد الكردي وأحمد عبدالعزيز المقرن، ومحمد الزين، الذين تحدثوا للتلفزيون السعودي أمس فقد استهدفت الفئة الضالة تفجير المنشآت النفطية السعودية وما أسموه بإجبار الولايات المتحدة الأمريكية على التدخل، وبعبارة أدق وردت على لسان عبدالله المقرن "سحب أمريكا" ولم يخف أعضاء الخلية استعدادهم لتحقيق هذا الهدف "سحب أمريكا" لقتل أي كم من البشر وضياع اقتصاد الدولة كلها "يقتل ناس، يحيا ناس، يذهب اقتصاد، هذا ما يهم، الأصل أننا حنا نسحب أمريكا".
وحرص الإرهابيون على توثيق مخططهم ، فصوروا استعداداتهم وتجميعهم للقنبلة الهائلة والتي تزيد على طنين بكاميرا فيديو مطورة .
وظهروا في شريط فيديو سجلوه وحولهم أكثر من 5 سيارات رباعية الدفع جميعها مظللة وحديثة مما يشير إلى تمتعهم بإمكانيات مادية مريحة .

ولفت أحمد المقرن الذي قدم دعماً كبيراً لخلية الخبر التي احتجزت رهائن في مجمع شركات نفطية عامين فضلاً عن قيامه بإيصال أفراد الخلية إلى الرياض مرة أخرى لفت إلى شخصين آخرين يتوليان "ضرب شباب صغار ما يدرون وش الفكر اللي وصل لهم إن ضرب المنشآت النفطية هذه راح تسوي تأثير عالمي "وذلك في إشارة لكل من "التويجري والغيث" اللذين لم يكشف عن معلومات مفصلة عنهما بعد.
ووفقاً للموقوفين الأربعة فإن أعضاء خلية النفط ليس لديهم دراية بحجم وتأثير كميات المتفجرات اللازمة لعملياتهم، ومن ثم سعوا لتجهيز طنين من المتفجرات كانا كافيين لقتل الآلاف.
وأضاف الموقوفون الأربعة أن خلية النفط كانت تستهدف إضافة لمعامل بقيق الجبيل ورأس تنورة فالمهم وفقاً لما خيلت لهم أنفسهم المريضة "نصر الأمة".
وعن السبب في عدم تنفيذ العمليات الإجرامية في مصافي البترول في رأس تنورة قال عبدالعزيز المقرن "عندما بدأت الفكرة هذي أخبرنا أن العملية لن تتم حتى توصل الخبر إلى أسامة بن لادن فقلت كيف توصل للشيخ وأنا أعرف أنه موجود فرضا في الجبال، فرد وقال تحتاج لها ست لسبع لثمان شهور حتى تصل، وما نقدر نسوي هذه العملية حتى تأتينا الفتوى من أسامة بن لادن".

ونشرت "جريدة الحياة" النص الكامل لاعترافات الأربعة المتورطين في التخطيط لاستهداف المنشآت النفطية كما وردت من شاشة التلفزيون السعودي، وباللهجة المحكية، إذ تتضح مفردات متداولة في منطقة الأحساء في اعترافات عبدالله وأحمد المقرن والكردي والزين، كونهم يعيشون جميعاً في منطقة الأحساء.
وكان نص الاعترافات كالآتي:
عبدالله عبدالعزيز المقرن:
المواقع الرئيسية للبترول المجمعات سواء المصافي على الجبيل أو رأس تنورة وكذا بدأت الفكرة هذي، فأخبرنا أن العملية لن تتم حتى توصل الخبر إلى الشيخ (أسامة بن لادن) فأخبر أنه سيوصل للشيخ، قلت كيف توصل للشيخ أنا أعرف أن الشيخ موجود فرضاً في الجبال وكذا، فرد علي قال تحتاج لها ست شهور لسبع شهور لثمان شهور توصل له، ما نقدر نسوي هذي العملية حتى تأتينا الفتوى من اسامة بن لادن، فمجرد اسامة يشير إشارة طبعاً ما يقول في السعودية يقول فرضاً الخليج صدهم عن كذا هم إيش يتبادر لذهن الشباب اللي كان مقتنع ان خلص هو عنده شبه قناعة، لكن أتى خطاب أسامة بن لادن وش سوا، عطاه القناعة الكاملة والفتوى وكل اللي يعني وش أوصف لك يدخل في الامر ولا يسأل أحد . جانا عبدالعزيز قال لنا روحوا ارصدوا موقع كبير وخطر يعني، فحنا تفجير كبير جداً يعني هو يوم الخميس قبل ما يقتل هو فيه كان الصباح طلعت مجموعة من نفس خليتي طلعوا اثنين بس يشيكون يشوفون شنهوا ها المجمع؟ راح شافوا بس الطريق ورجعوا أنا كنت بالامارات ورجعت عاد فتم طلبي في نفس اليوم ذاك تم طلبي فرجعت لعبدالعزيز أنا فخذوني ووصلوني لعبدالعزيز هم ثاني يوم بالضبط ثاني يوم قبض عليهم.
خالد الكردي:
معنا بالخلية خال عبدالله المقرن، فقام قال هذي عن طريق عبدالله المقرن يقول ترا هذي أكبر مضخة على مستوى الشرق الأوسط، بدأ يجيب معلومات فعلاً تأكدت طلعت قلت خلاص أطلع أنا وعبدالرؤوف معنا خاله يصير برضه، طلع طبعاً طريقة الرصد ما تقدر تدخل لكن حددنا إن قبل دخولكم فيه نقطة تفتيش وش نقطة تفتيش دورية بس ماهي بهمر ولا أعطيناهم المعلومات، المضخة هذي توقعت أنها مثل الماكينة بتصور طبعاً قاصد ماكينة بمجرد تضربها توقف الضخ.
عبدالله عبدالعزيز المقرن:
كان إرسالنا من الرياض الى الاحساء كان هذي القضية الرئيسية ان كل الموجودين مايدرون ليش رايحين الاحساء، كلهم حتى خالد السناني ماكان يدري، انا علمته، انا كنت ادري بأيش ان جايبنا هنا ان حنا نجلس هنا ست شهور أو سبع شهور الين يجي أمر الرصد.
أحمد عبدالعزيز المقرن:
صار فيه يعني زي الكلام انه احتمال يكون فيه ضرب لمواقع بترولية معينة اللي هي في بقيق مثلاً أو في أي منطقة أي مصفاة، فكانت إلا قبل ما أنسجن ما كان فيه رصد بس فيه احتمالية يبتدئون يرصدون في المناطق هذي.
خالد الكردي:
المواقع اللي اترصدت بقيق - الخبر - الجبيل.
عبدالله عبد العزيز المقرن:
لكن هم في نفس ذيك اللحظة هم يقولون ان تتمون ست شهور او تتمون سنة أنا أقصد بالاحساء، وكان هم عندهم تخطيط ضربات لأكثر من موقع كان عندهم ضرب الجهة الثانية من جهة الكويت وجهة الامارات تكون ضربات يعني شبه موقتة في نفس الوقت - فهد الجوير - عندما انتقل لأول خلية بدأت في الشرقية، الأولى في الاحساء وكان من ضمن الخلية تقريباً بيدخل في العملية ثمانية أشخاص، يعني يبقى من الخلية آسف سبع أشخاص يدخل فيها، يبقى من الخلية أنا والريمي وخالد السنان، والسبع يدخلون فيها، وكانوا ما يعلمون لكن الجوير بدأ يتشبع، فهد بدأ يتشبع بالقضية هذه في الأحساء، لكن هم هناك بالرياض اخبروهم إنها كمون، يعني تكمين لها مكان ولا تتحرك، هذا بس اللي المطلوب منكم ما كانوا يقولون للخلية يضربون مكان لكن اذا قلنا لكم بتشوفون أمر عظيم وهي عملية ضخمة توازي ضربة سبتمبر، هم كلهم انشغلوا أيش العملية اللي حول الاحساء زي عملية سبتمبر، وأثرها عالمياً أكثر من آثارها داخلياً.
احمد المقرن:
الفكر اللي كان عند الشباب ضرب البترول وقطع الامداد عن القوات الامريكية.

عبدالله عبد العزيزالمقرن:
يقولون لو ضربنا البترول واحرجنا الدولة السعودية واخلينا في أسعار البترول الرئيسية، فأمريكا ما راح تتم، راح تضطر تنجبر أمريكا، بتقولون امريكا هذا ليس حق للسعودية لوحدها، البترول هذه فكرتهم، فتقول أمريكا ليس البترول حق للسعوديين فقط بل هو بموجب العالم، فتضطر امريكا اذا شافت ان الامن بدأ بيختل بتجي امريكا باسم او بأي نوع سواء بتعاون او تأتي مباشرة لتحمي الجهات النفطية مع اختلال الامن، تأتي ضربة بقيق وضربة تختل الامن، وكل هذا الامر لتدخل بس امريكا بأي شيء يقتل ناس يحيا ناس يذهب اقتصاد هذا ما يهمهم، الأصل إننا حنّا نسحب امريكا.
خالد الكردي:
ما حنّا كلنا ترى ننظر للاقتصاد أكثر، كانت ما كانت نظرتنا تندك أمريكا.
عبدالله عبدالعزيز المقرن.
ما عندهم أي معرفة بحجم الدمار اللي راح يصير، وبعدين زي ما شفنا في التلفزيون اثنين طن يعني اثنين طن بتدمر شيء ما هو بسيط يقتل الآلاف.
عبدالله عبد العزيز المقرن:
حنا كلنا اصلاً مش مستوعبين مدى قوة التفجير فيه مدى قوة الانفجار اللي بيصير في الموقع، ما عرفت هذا الا قبل ما أسلم نفسي، احد خوالي قال انت يوم سألتني احد أقاربي قلت له كانوا ناوين يضربون، قال هذا جنون يعني يمكن عشرين كيلو في عشرين كيلو قوة الانفجار.
محمد الزين:
فأنا لما قلت له يا عبدالله هم لاشك انهم يريدون ان يعطبون هذا الموقع، يعطبون بما يستطيعون اعطابه، ولما يعني حاورت عبدالله وقلت له هذا الامر ليس عندي فيه شيء ما راح اساعدك فيه لا من قريب ولا من بعيد، فعبدالله لا شك انه كان مدفوع دفع، اللي انا حسيته لاجل انه والله يأخذ أي معلومة عن موقع حساس في المنطقة.
خالد الكردي:
العمل هذا العمل هذا قدر الله وضرب ما هو قضية ماكينة، تبين لنا بعدين قضية غاز، هذا اهل بقيق كلهم في اعناقنا يوم القيامة، اهل بقيق هم على بكرة ابيهم ميتين ميتين الا ان يشاء الله، طبعاً هم وين يوصل الغاز ستين كيلو يعني هذا يشيل بقيق وبيأخذ العيون، قبل الاحساء فيه منطقة اسمها العيون، هذا اذا ماأخذ قبل مدينة المبرز، كان تصورنا بس أقرب كل الشغلة جهل وتصور بالواقع وحماسة وغيرها ما هي منضبطة ولا رجوع للعلم، والله ما كنا صغار كبار وعندنا عيال.
أحمد المقرن:
ضرب المنشآت النفطية يكون فيه استهداف.
عبدالله عبد العزيز المقرن:
لو فيه بقايا الفكر نفس التفكير هذا يضربون أي شيء أي شيء ويسوون عمليات كثيرة سواء في الجبيل ورأس تنورة وبقيق، ولا يستبعد انهم يكررون عملية بقيق هي القضية، هي خلاص، هو يبغى ايش قضية ليس كم يقتل ولا كم بيصير اهم شيء انه ينفذ العملية حتى ينصر الامة.
أحمد المقرن:
هذا الفكر خطر لأنه الفكر أصله انك تفدي نفسك، يكون عندك الفكر هذا وبدأ فيك وتمكّن منك خلاص بترمي نفسك بتقتل نفسك، وهنا خطورته انك زي الاعمى يعطيك مسار تمشي فيه خلاص وتبدا تمشي فيه الى نهايته، وتنفجر وتقتل، وتقتل ناس معاك، هذه المشكلة الآن الشباب الاثنين التويجري والغيث اللي يضربوا شباب صغار ما يدرون وش الفكر اللي وصل لهم ان ضرب المنشآت البترولية هذي راح تسوي تأثير اقتصادي في العالم، ما يدرون والله ما يدرون جالسين في بيت حتى تم اعداد هذه الخطة والسيارات وركبوها حتى وصلوا بقيق بالطريقة اللي معدة لهم وجاؤوا وفجروا بس هذا الحد الاقصى اللي يعلمون به.
عبدالله عبد العزيز المقرن:
البترول بالذات سواء مواقع الانتاج حتى المخزونة فيه فكرة ضرب مخزون، كل انواع الفكر في ضرب البترول ببيان كل شيء من الفكر القادم انا متأكد ضرب اقتصاد الوطن.


تعليقات الزوار :
حسبي الله عليكم أيها الجهلة الظلاميين ,
ماينفع معهم الا جز رقابهم هؤلاء الحثالة, محسوبون على الدين , لا واللي قاهرني ابتساماتهم اللي يحرمهم السعادة في الدنيا والاخرة

اللهم أحم ديارنا من كل سوء وأجعل كيدهم في نحورهم

تحياتي لك ,,, saaas