الاسهم السعوديه

من قصائد الشاعر الكبير مهدي بن عبار العنزي




ما جيت لي حاجه ولاجيت بنقـود
جيت أبي أشوف ديار حائل وأهلها
يا دار حاتم ياذرا كـل مضهـود
رمز الكرم وأهل الوفا من جبلهـا
حائل بها ربعي هل المجد والـزود
لاقيل شمر قلـت ماحـدٍ جهلهـا
شمر هل الطولات والعز والجـود
رجالهـم طيـب السجايـا نهلهـا



وقال:
جيت ارفع التأييـد واعلـن وانـادي
باسم الوطن واهل الوطن جمع واحشود
مسلم سعودي منهـج الشـرع زادي
في ظل حكم الشرع بالنصـر موعـود
جيت اعلن المظمون حسب اجتهـادي
نصيحـةٍ للـي يبـا العـز والــزود
ياتابع الارهـاب ويـن انـت غـادي
ارجع وخـذ منـا مواثيـق وعهـود
ارجـع لدينـك والوطـن بانقـيـادي
مادام جـاك العفـو والعفـو محمـود


وقال
لو المسافه بين صايب ومنصـاب
تعرف عرفـت حدودهـا بالدوانـم
مير الامل مفقـود والحلـم كـذاب
والناس بالحلم الصحيـح استهانـم
صحيح راسي شاب والقلب ماشاب
لو البشر من كيـف الايـام عانـم
والكبريابنت العـرب غّيـر ذيـاب
ولاني بانا اطيب من ذياب ابن غانم


ثم قال في قصيده أخرى




يامليـك قلوبنـا قبـل البـلادي
يازعيم المرجلـه قبـل القيـاده
يافهد يارمز من شاف النكـادي
لانتخابك مايشـوف الا السعـاده
ياحبيب الشعب من حضر وبوادي
انت ساكن في عيونه في فـؤاده