الاسهم السعوديه

قصيده بمعنى الكلمه تجدون بين أبياتها الحكمة والنصيحه . سبق وأن

أطلعت عليها في كثير من المنتديات وأعجبت بها . وهاأنذا أتركها بين أياديكم.......




اذا المراجل لبسة شمـاغ وعقـال
قـل للعـذارى يلبسـن العمـايـم
ماعاد يفرق زول حرمه ورجـال
دام الفعايل تشبـه البعـض دايـم
المرجلـه ماهيـب كلمـه وتنقـال
وتروح ماراحت هبـوب النسايـم
ولاخشونة صوت أورفـع الأثقـال
أو رزة صـدور وفعـل الزلايـم
ولاهي بعد مفتاح موتـر وجـوال
ولا ردى لسـان حديثـه شتـايـم
المرجله شيمه عن القيـل والقـال
رفيـع نفـس حـر بالجـو حايـم
المرجله عقل وزن وزنـه جبـال
ودون العقل وش فرقنـا والبهايـم
يامسندي لو مايل الوقت بـي مـال
ياولـد أبويـه ياعظيـم العزايـم
يامعرب الجدين من العـم والخـال
يانخوة المفـزوع وقـت الهزايـم
المرجله ياخوي هي طولـة البـال
هي العزم هي الصبـر فالظلايـم
فيها الكـرم عـز دلـه وفنجـال
فيها الكرامه عن ردى الطبع شايـم
والدين لامنه خـذا القلـب منـزال
مشى طريق الحـق وابليـس نايـم
ومن لاعرف ربه في طيب الحـال
لابد وقـت الضيـق بالهـم هايـم
حتى صلاتك مع جماعات ورجال
ياعظم أجرك بيـن ساجـد وقايـم
ولا من رفع ربه له كل الأعمـال
حسن الذكر لقالـو فـلان صايـم
وخلك شريف القصد ياطيب الفـال
سوء المقاصـد فالبيـوت الهدايـم
وأحذر تبيع النفس في دب الأنـذال
وتتبع خـوي أبليـس راع النمايـم
النفـس خيـل اذا كنـت خـيـال
ومن لاقوى نفسـه قوتـه الهزايـم
ولا صرت ماتدري ليش أنت رجال
والله خسـارة فيـك ذبـح التمايـم



وسلامتكم