الاسهم السعوديه

ان هب ريح القاف فالبـوك دنّـه=مثايلـه تمـلأ سجـل الكتاتيـب
يطرب لها من كيف بالـه يعنـه=عنّة هل الفنجال عنـد المذاهيـب
الطيب لأهل الطيب ما فيـه منّـه=ليمن بدأ بالطيب جاه بدله طيـب
وان كان علم الطيب للرجل سّنـه=باقي اموره ما نحسبها عذاريـب
ان ضاف منهو يشكي العسر حنّه=وان ضافه الرجال ادى المواجيب
وان جاه عاني يبغي العون منـه=يسوق روحه في وجيه المحاديـب
لا معتـذر منـه ولا راغ عـنـه=الا يصوع لفزعته صوعة الذيـب
وزخـارف الدنيـا فـلا دلهنـه=وان كان رزقه تحت حام اللواهيب
على خويه ما ملـك مـا يظنّـه=يافي ولو كثرن عليـه المطاليـب
سـلام منـي يـا نديبـي وثنّـه=للصيرم اللي حنكتـه التجاريـب
يعرف هل الطولات والمستجنـه=ويقول ذي عوجا وذي مابها عيب
صريح ما به لـف منـه ومنـه=رايه سديد وما لحق ذمتـه ريـب
الي صلاة الفجـر نجـره يدنـه=يا حي والله من سواته معازيـب
يدور فنجال حـوى الهيـل بنّـه=والزعفران وماء وردٍ لها طيـب
مونـس الضيفـان طرقـه وفنـه=ويديه من دم الجزايل مخاضيـب
لصقر الخوالد حـب جـم نكنـه=منّا الين تحط فوقـي النواصيـب
يالله مـن جابـه تجازيـه جنـه=وتصفا لمنعور العرافا المشاريـب
يالله مـن مثلـه فـلا تضهدنـه=وتجزاه بالفردوس يا عالم الغيـب

هب الريح