الاسهم السعوديه

#1 08-04-2008, 07:12 AM

تِصَدِّق وإلا ما تِصَدِّق .. أنا عَاجِزْ عَنْ التفكير

تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير

رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير

وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير

حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير

ومَهْمَا شِفتْ أنا الفرحَه .. بدونِكْ ما تسليني

أنا حبيتك .. وهالغلطه حبيبـي ما لَهَا تبرير

علاقة حُبْ مَجْنُونَـه .. ما بينْ أحزاني وبيني

وكيف الحَالْ وشلوني .. جَوابٍ ما يَبي تفسير

بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير

أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ آطير

أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير

وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير

ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير

طِلَبتْ النُومْ .. لحظاته وعيَّى النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير

حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي بكِلْ الحُبْ والتقدير

تعَالْ: إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير

تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير

أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير

لأنِّي كِنتْ .. ( مِتأكِدْ ) .. بأنْ البُعد ينهيني..

منقول

#2 08-04-2008, 09:06 AM

قمــة في الروعـــة

كلمـاتها ذات شجن رائــع

كل الشكر أخي العزيز أبو عبدالله

دام لنـــا ذوقـــك الرفيــــع

ودامت لنـا مشاركاتك الراقيــة

في رحــاب الملتقـــى

لا عدمناك

#3 08-04-2008, 10:11 AM

'
شكرا" على هذه الكلمات والأحاسيس الرائعة
وسلمت يمينك أخي ابو عبد الله
ودمت ودام قلمك لنا

وجـــــــــــزاك

خيــــــــــرا"

''

#4 08-04-2008, 10:26 AM

سلمت يمناك ولا عدمناك
أخي أبو عبدالله رائعة
والاختيار اروع

#5 08-04-2008, 10:42 AM

أنامْ شلونْ ومشكلتي عِجزتْ ألقى لَهَا تدبير (أبو عبد الله )

طِلَبتْ النُومْ .. لحظاته وعيَّى النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير

هذه القصيده تراودني ياأبو عبد الله

تغيير وجهي (ماستر كار ) ...ومن أول غيابك وابتدى التأثير (أبو عبد الله )

قواااااااااااك الله يالغاااالي على الكلمات والله لايحرمنا من الطلة الحلووووه علينا

#6 08-04-2008, 10:50 AM

صح لسانك ابو عبدالله

بارك الله فيــــــك

#7 08-04-2008, 12:56 PM

على طاريكْ كِلْ لحظه .. ولا أحتاج للتذكير

حَريصْ القلب ما ينسَى عيونِكْ , لا توصيني

صح لسانك ابو عبدالله

قصيده رائعه ماننحرم من حضورك يارب

الله يعطيك العافيه

#8 08-04-2008, 01:11 PM

سلمت يمناك ولا عدمناك
الله يعطيك العافيه

#9 08-04-2008, 01:12 PM

[] أبـوعبــدالله []

كـلمـات رائــعـه .. تـسـلـم

وبصراحــه اللي كـتـبـها خــطــيــر

#10 08-04-2008, 01:58 PM

ابو عبدالله ابداااااااع وروووووووعه

لاعدمنا مقتطفاتك الحلووه

وهذا ماعودتنا عليه

تقبل اجمل تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

		منتديات الأسهم السعودية > أسهم بلاميعاد الإقتصادي > ملتقى بلاميعاد العام
‹•.¸ حبيبي .. مِنْ التَّعَبْ كافي خذيتْ اللِّي يكفيني ¸.•›