الاسهم السعوديه

مشروب فنجالك
قصيده رائعه استمتعت في ابياتها
لروعتها وابداع الشاعر طراد السويدي
الله يقطعك يا الجوال وارسالك
يومك تجيب الرسالة والغثى ليه
مكتوب بعد السلام وشلونها حالك
تعال صفر الدلال اليوم ممليه
وصلت أنا منزلك ولبيت مرسالك
دعوة رفيقي ترى ما هي بعاديه
قال اقلط الدار يافال السعد فالك
يا حي قرم لفانا ما خلق زيه
جلست في مجلسه والاجودي سالك
في عرض الاجواد مدري ويش داعيه
فلان والله ترى ما يساوي نعالك
واحذر من فلان طبعه يشبه الحيه
وفلان لو تعطيه كل الزين ما وفالك
لو تنفعه رد لك المعروف بالسيه
قلت أقطع الهرج الله يقطع أشكالك
نفسك على غيبه الأجواد مبليه
تغتاب عمك ومرة تحتقر خالك
سوالفك كلها يا فلان سلبيه
يا شيخ ماني اخوك ولا أصغر عيالك
أستاذنك يا ردي النفس والنيه
مع السلامه ترى مشروب فنجالك
لا تنتظر من جنابي صوبك الجيه

صح لسانك

بارك الله فيـــــك

بارك الله فيكم

صح لسانك قصيدة رائعة

بارك الله فيك والله يعطيك العافية

'
مشكور على القصيدة الرائعة
وصح لسانك

وجـــــــــــزاك خيــــــــــرا"
''