الاسهم السعوديه

خارج السرب




خارج السرب حلق في سماك الفكـر كان غنت طيور الليل مـن وكرهـا
لك تركت الفضا كله مساحـة نشـر تيه واطلع بنفسي فيك الـى قدرهـا
يانزيـه المواكـر ياعزيـز القـدر ياوحش ياطليـق الـروح ياحرهـا
لا تدور لنفسك عن مرامـك عـذر النفوس العظيمـة موتهـا عذرهـا
ويش معنى حياتك في ربيع العمـر كانك بتحسد الميتـه علـى قبرهـا
بالرجا بالتمنـي بالامـل بالصبـر الليالي ليـا طالـت عليـك اسرهـا
كنت اقدم قصيدي ورد واهل الشعر ناقـة تقطـف الـوردة وتجترهـا
لكن اليوم حنا في زمن في عصـر ابن زايـد محمـد واكتمـل درهـا
غن يامن بصدري لك زمانٍ تجـر هات عجز القصيدة واعطني صدرها
ماهجرت الوزن والقافية من عسـر لكن النفس ماكان الشعـر خمرهـا
اشغلتني حياة ( الغندبـه ) والفقـر في مشاويرهـا واغنتنـي بفقرهـا
موتري يطي البيد ويحـوم النسـر ويتسابق معـي ظلـه علـى برهـا
يطلب الله رزقه من صـلاة الفجـر لين ماتستريح الشمس فـي خدرهـا
كن روحي بجنحانـه عليهـا نـذر ماتوقـع بـدار الا علـى نـذرهـا
اعتزلت المدينه عن حيـاة الحضـر في صحاح الفلا والعين ذا بصرهـا
خيمتـي والنسايـم بالنسايـم تمـر والثريا على جفنـي غفـى بدرهـا
يسري الليل يسريبي وضوي سمـر تنجذب له بنات الجن مـن سدرهـا
كان يطحن براسي حب صوت النجر ويتمايل بروس ابلي صدرى نجرها
ترزم النوق من حولي بضيقة صدر وانا مع فوحة الدلة علـى جمرهـا
اتقهـواه فنجالـي بحالـة سـكـر واسأل الليل هالنجمات كـم عمرهـا
شفت سر الوجود بسر حـب التمـر واكتشفت اكبر الاشياء من صغرهـا
به يلف الغموض الكون به ابتصـر كل ايـه تجـي مـن ايـة كبرهـا
والنجوم القريبه في سمـاي شكثـر لكـن بقلبـي الجـوزا وياحـرهـا
لي تلوح المدينه بالليـوت الصفـر من بعيدٍ سفينـه والدجـى بحرهـا
كنها في غياهـب ليلهـا تحتضـر تغرق ويغرق الانسان فـي قعرهـا
كل بيت سكنتـه فـي فناهـا قبـر كـل حلـوٍ تذوقتـه بهـا مـرهـا
لجو الناس فيهـا الهـلال النصـر التعصب يعـل الـروس ويضرهـا
ذاك عبدالالـه وذاك عبدالخـضـر واتّشابه عقـول ويختلـف فكرهـا
والتطرف لمذهب دون مذهب كفـر اشهد اني بريء النفس مـن كفرهـا
خارج اسوارها حلق سمـاك الفكـر لاقيودك قيود ولاانت فـي اسرهـا
رائعة فالح الدهمان الظفيري

صح لصان الضفيري . وتسلم يمينك

صح لسانك
بارك الله فيك

'
تسلم يمناك


يعطيـــــــك العافيــــــة
وجزاك الله خيرا"
''