الاسهم السعوديه

الشهم ـ والله ـ مرتكي للثقيلات= أنا أشهد انه (بر) في والدينه
راع المواقف والفعول الحميدات= يكســــب رضا ربه وتعزيز دينه

هذه أبيات قلتها في رجل البر والخير ابو خالد (مرتكي للثقيلات) حفظه الله
وغفر لوالده
راجيا أن تنال رضى رواد هذا المنتدى الرائع

سلام يامن حط للجود عنوان= شيخٍ كريمٍ يبـــــــــــــذل الطيب والخير
أزكى سلام أهديه من قلب ولْسان= وأشواق قلبــي مع تحيهْ وتقدير
يعيش أبو خالد على مر الأزمان= يعيش راع المكرمـــــــات المشاهير
له موقفٍ في البذل والجود له شان= وله في دروب المجد فعلْ وتقارير
وفي مركز النخوات ماصك بيبان= أفعال أبو خــــــــالد (زياده) عن الغير
تبرّع بماله على كل ميدان= سجل بصفحــــــــــــــات الوفا كل تفسير
حملات حج ناجحه كل الازمان= وزكاة ماله عمـــــــــــــت اصغير وكبير
المال ماحطه مكاسيب وأثمان=ولا حط دون الباب قفــــــــل ومسامير
في بر أبوه انفق ولا هوب منان= وفي الخير يبذل دون منــــــه وتاخير
وفي المنتدى يبذل ولا هوب خسران= تشجيع للي يكتـــبون التعابير
وان جاه محتاج شكا هم ديان=يبين فعله في كبير المحــــــــــــــاضير
والناس عنده من بني عـــــم وأخوان= كل يعده مـــــــن رجال مناعير
يالله يامطلوب ياعالي الشان = تعز شيخٍ ماحصل منــــــــــــــه تقصير
بيت الكرم مبني على ساس وأركان= أبوه راع الجــــود راع المخاسير
مشهور في فعل المكارم والإحسان=يضحك حجاجه لا لفوه المسايير
عساه في الجنه سعيدٍ وكسبان= وعسى سخاه يبعـــده عن زمهرير
الله يكتبْ له حساني وغفران= وفي جنة الفردوس منـــــــــزل وتنوير
وأزكى صلاتي للنبي نسل عدنان= إعداد ماهلـــــــت مزون وشخاتير
قلت الصحيح وقولة الحق ميزان= والمعذره كانه حصــــل بعض تقصير

مع تحيات (الشاعر عبدالله الحضبي)

صح لسانك
الصراحة ابو خالد ما قصر لا مع صغير ولا كبير ويستاهل ابو اخالد اكثر
ورحم الله والده واسكنه فسيح جناته

صح لساانك يستتتاهل ابو خااالد

صحيح انا ما اعرفه بس اقراه

المرتكي اسمه يبين فعوله

(صح لسانك وانا كما تعلمون جديده لكن الطيب يبين راعيه وابياتك دليل )

صح لسانك بالخير يا الفاضل...

صح لسانك ياعبدالله

واخونا المرتكي للثقيلات يستاهل