| |
|
|
 |  |  | |  | |  | |  | |  |
| ||||||||||
| |
| روابط تهمك | قائمة البنوك | التسجيل | اجعل كافة الأقسام مقروءة |
 | ||
سالفه وقصيده
| ||
| ملتقى بلاميعاد العام للترحيب بالاعضاء الجدد والاهداءات - والمواضيع العامة |
 |
| | LinkBack | أدوات الموضوع | طرق مشاهدة الموضوع |
|
#1
08-04-2007, 12:55 AM
| ||||
| ||||
| سالفه وقصيده اليوم نبي نقلبها مجلس ابو حمدان وش رايكم طيب خوذو هالقصه القديمه وهي للتسليه ولافيها من العلوم ذيك شي سالفتنا اليوم خفيفه ضريفه القصه بطلتها دويده ام الذبان هذا الله يسلمكم فيه اخوان الله منعم عليهم ورازقهم من واسع رزقه وحلالهم واحد وموفقهم الله بمحبتهم لبعض واحدن منهم الله رزقه بولد والثاني رازقه الله ببنيه خبركم منول الناس نادر اللي يكثرون عياله من الامراض وقل العلاج والا لو الله موفر ذا العلاجات والعنايه الطبيه اللي الحين وعلى نشاطهم منول كان تعدادنا الحين كثر الهند المهم ذا الاخوين كان في بالهم انهم يزوجون البنيه ولد عمها عشان لا يطلع حليلهم برى ويتفرق ويكون بينهم ولكن الاقدار ما امهلت ابو البنيه وتوفاه الله وتيتمت البنيه وترملت اميمتها وهي توها صغيره عم البنيه ذل على بنية اخوه وشرط على ارملة اخوه ان كانها بتعرس بياخذ بنت اخوه عنده و وافقت الام وقالت ابي اربي بنيتي ولانيب معرسه ومرت الايام وكثر الخطاطيب يبون ام البنت والام تمنع بحجة البنت ولكن اضناها طول الصبر وصارت بين هاجوس العرس وفرقى البنيه اللي بتغيب عن عينها ان اعرست ومع الايام انحنت قدام رغبتها بالعرس وزان في خاطرها ذا الرجال اللي خطبها وقامت ادور لنفسها الاعذار وشافت ان بنيتها كبرت وصارت تقدر تقوم بنفسها في بيت عمها والظاهر انها مابه الا ادور عذر للعرس يوم زان لها الخطيب اعرست الام وعطت عم البنت بنت اخوه البنيه في بيت عمها لقت الحشيمه ولكن مالقت الاهتمام من مرة عمها واللي ماخذ الاهتمام هو ولد عمها امه تديره من كل جهه ومهتمه فيه وتاركه البنيه اليتيمه والظاهر ان البنيه بعد مامن ذاك الضفر ولاهيب مهتمه بحالها ودايم ادودي على وجهها الذبان وكان ولد عمها المقرود دايم يعيرها يادويده يام الذبان وسارت الايام والولد ترسخ في ذهنه ان بنت عمه مهتوله ولاهيب نظيفه وارتبط في ذهنه انها ام الذبان وعلى كذا كان دايم حاقرها ولاهوب يلتفت عليها راحت والا جت والبنيه مسيكينه شكلها مغليتن ذا الجفس وقامت تهتم في نفسها وتحرص على نظافتها ولكن الولد ماخذه غرور في حاله ولاهوب يمها يوم شبت البنت وزان نبها وفزت وبدا يظهر فيها مباهي الجمال قام ابو الولد يبي يقنع الولد يبيه يعرس ببنت عمه ولكن الولد ينفر ولا على لسانه الا معاد بقى الا دويده ام الذبان يبونه من يمين من يسار مافيه فايده وهو بعد انغث وقام يتصدد وتصدده زاد الطين بله  وفي يوم سمعت البنت حوار بين الولد وامه وهي تبي تقنعه بالعرس من بنت عمه واوجعها الحكي اللي سمعته من ذا العله وامرضها ولكن معاد في يدها حيله درت انها مفلسه من ذا العله وكبر في نفسها صده وهي كل غرضها انها تثبت له انها مهيب ام الذبان اللي هو خابر المهم البنت بلغت سن العرس وكثرو خطاطيبها وقرر عمها يزوجها يوم عجز في ذا العله وجاه رجال فيه خير من ديره ثانيه و وافق على خطبته وجوك يزينون في البنيه مشاط وحنى وشغلات التزين للعروس <------ يقاله يعرف وش يسون المهم العم قبل لاتروح مع رجالها طلع يمشي معها ويوريها حلالها ويتفقده معها وهي عاد بنت(ن) تهول عقب ماتزهبت للعرس وتزينت .. في هذي الاثناء اقبل ولد عمها وشافها مع ابوه من هول الصدمه  ضيع ولا عرفها وراح ينشد امه قال من اللي مع ابوي قالت هذي دويده ام الذبان قال هاه وطارت بوهته وضيع الهرج له شوي ونطق وهو يقول بنت عمي وانا اولى بها قالت الام لا مهوب الحين البنت اعرست وبتروح مع رجلها ولاعاد هي في يدك المهم جاه ابوه قال رح ساير المعاريس الين ياصلون ديرتهم وهو وافق وهو رايح معهم حست البنت انه مختلف وضاعت علومه معها وقامت عاد تحاره وتلمع قدامه تبي تبرد غلها وهو انهبل وزادت حرته واقبلو على ذيك الروضه وفر منها قطيع غزلان وانشد ولد العم كم بيت وهو يهيجن ويبي يسمع المعرس يا طفيلات الريم يا شـرد المهـا سايلكم برب العرش وين تلفـون قالن طفيلايات المها بصوت واحد يسمعه من هو بالهـوى مفتـون نلفي على شهـم كريـم مجـرب لاطالبت الاشيـاء عليـه تهـون لو تطلبـه بأعـز شـيء عنـده يقـول تـم وماتبـي مضمـون يوم سمعه المعرس استشك ونشده انت وش تبي اطلب قال بنت عمي قال جتك انت اولى بها وطلقها ورجعت معه واعرس بها عقب ماتمت عدتها --------------------------------------------------------------------------------     |
|
#2
08-04-2007, 12:56 AM
| ||||
| ||||
| والسالفه الثانيه قولو تراك طولتها ومصختها هههههه ((_ حنيف والفنجال_)) قصة مشهورة يتناقلها الرواة ... والتي وقعت بين الشاعر / حنيف بن سعيدان المطيري من أهل الارطاوية ، وأحد شعراء منطقة المجمعة وقيل حرمة حيث تدور أحداث هذه القصة بعد أن سمع هذا الشاعر بموهبة حنيف بن سعيدان الشعرية , وتعطش لمقابلته وبعد مرور وقت من الزمن شاءت الأقدار واتى حنيف إلى بلدة حرمه لقضاء بعض الإشغال وتم اللقاء بين حنيف وبين ذلك الشاعر : واستغرب حنيف من إصرار ذالك الشاعر على دعوته لتناول القهوة عنده. فقال--- خمسة عشر فنجال لحنيف صبيت لــو إن بطـنـه قـربـةٍ قـــد مـلاهــا بعد هذا البيت تأكد حنيف بن سعيدان أن الدعوة هذه مبيت لها من قبل فأجاب على الفور قائلا: لا تحسب إنـي مـن دلالـك تقهويـت ماينقـه الشـراب.. مـن كـثـر مـاهـا وراك ماسويـتـهـا يــــوم ســويــت مثـل العمـيـم الـلـي يـزيّـن سـواهـا ياموصي الحرمة على صكت البيت تـقـول مـاهـو فـيـه وانـتـه ورآهـــا وآخيبـة أمـك يــوم قـالـت تظّنـيـت ياخـيـبـة أمـــك ياقطـيـعـة رجـاهــا فأصيب ذالك الشاعر بالدهشة من قوة شعر حنيف وفطنته , وقبّل رأسه وطلبه بأن لا يكمل أكثر مما سمع |
|
#3
10-04-2007, 01:17 AM
| ||||
| ||||
| مشكورين يالي مرو من هنا ولاردو بـــــــــــــــــ كلمه ولو جبر خاطر |
|
#4
10-04-2007, 05:20 AM
| ||||
| ||||
| رااااااااائع الله يعطيك العافية |
|
#5
10-04-2007, 11:56 PM
| ||||
| ||||
| الله يعطيك العافيه |
|
#6
11-04-2007, 12:22 AM
| ||||
| ||||
| اقتباس:
|
|
#7
11-04-2007, 04:21 PM
| ||||
| ||||
| خذ فنجال وعلوم ارجال خمسة عشر فنجال لحنيف صبيت لــو إن بطـنـه قـربـةٍ قـــد مـلاهــا سلمت أخوي السهم الازرق ولا عدمناك |
|
#8
11-04-2007, 08:06 PM
| ||||
| ||||
| مشكووووووووووور يا السهم الازرق يعطيك العافيه |
|
| أدوات الموضوع | |
| طرق مشاهدة الموضوع | |
| |
العرض العادي
