الاسهم السعوديه

#1 16-10-2006, 11:03 AM

قولوا لبو متعب ترى الشعب مقهور=ياخـادم البيتيـن امسـك عصاهـا
ضاعت فلوس الناس مع كل هامـور=ومثلك يعرف البير ويعرف غطاهـا
من سي لاسوا وبين عاثر ومعثـور=وسهمك وهو سهمك رمـوه بخلاهـا
كيف اشكي العله على كـل دكتـور=والطب عندك وانت تعـرف دواهـا
ماخافوا الله خالـق النـار والنـور=حتى الأرامـل شاركوهـا بعشاهـا
يا قلبي اللي فيـه نيـران وحـرور=ضاقت علي دنياي وسكـر فضاهـا
سوقك بلون الدم باسبـاب مغـرور=يضغط على سابـك وكسـر يداهـا
بالعشر اواخر نرجي الذنب مغفـور=قامـوا علينـا قومـة ٍ مـا وراهـا
واعمار صارت دمها اليـوم منثـور=وخاب الرجا باعمار واللـي رجاهـا
ياما بنينا فوقهـا ابـراج وقصـور=وراحت سدى والسوق دحدر معاهـا
كم شاب قال ابغى اتزوج من الحـور=وافلس وبيره جـف ماشـاف ماهـا
وكم راعي اسره اصبح الصبح مفقور=العيد بكـره واسرتـه مـا كساهـا
وقمت اتفكر وادرس الراي والشـور=قلت ازبن لصقر العروبـه 0ذراهـا
بكلمه تجي من عنده اليوم مسـرور=والسوق يرجع عشب يروي ظماهـا
يادرعنا لا صار بالكـون عاصـور=كم صرخة ٍ للناس تسمـع صداهـا
يالحر يابن الحـر والحـر مخبـور=قاد الحرار الشامخـه فـي سماهـا
ما يلحقك يا سيـدي شـك وقصـور=لكـن رسالـه ياصلـك محتـواهـا
حيثك ابونا والرجـا فيـك موفـور=عدل شمـل كـل البـلاد وغشاهـا
جوني يعزوني على السوق ماجـور=قلت البقـا بالشيـخ يطفـي لظاهـا
ويرد لون السوق عشبي ويخضـور=مثل علـم دار السعـو د وصفاهـا
خيرك عميم وشاكر الناس مشكـور=ومزن الحيـا عـم البـلاد وسقاهـا
انت الرجا بعد الولي تدفـع الجـور=واسلم عساك تدوم وتحمـي حماهـا

منقول

#2 16-10-2006, 11:23 AM

صح لسانك

هموم صغتها في عبارة

ومشاكل طرزتها في ابيات

بارك الله فيك

حتي لو منقول

#3 16-10-2006, 02:01 PM

يعطيك العاافية

#4 16-10-2006, 02:58 PM

الله يعطيك العافيه

#5 17-10-2006, 02:07 AM

صح لسانك يا اخي

#6 17-10-2006, 04:31 AM

صح لسانك

#7 17-10-2006, 06:29 AM

صح لسان قايلها وناقلها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

		منتديات الأسهم السعودية > أسهم بلاميعاد الإقتصادي > ملتقى بلاميعاد العام
جوني يعزوني على السوق ماجـور